Ydw i'n talu treth ar fy nghynilion?

Ydw i'n talu treth ar fy nghynilion?

Gall deall a ydych chi'n talu treth ar eich cynilion a phryd rydych chi'n ei dalu eich helpu i wneud y gorau o'ch arian.

Yn y canllaw hwn rydym yn esbonio sut y gellir trethu eich cynilion, sy'n cyfrif tuag at eich Lwfans Cynilo Personol (PSA), sut mae ISAs yn gweithio, a sut y telir unrhyw dreth.

Beth yw Lwfans Cynilo Personol?

Bob blwyddyn dreth, gallwch ennill swm penodol o log ar eich cynilion heb dalu treth. Dyma'ch Lwfans Cynilo Personol (PSA).

Mae faint o log y gallwch ei ennill yn ddi-dreth yn dibynnu ar eich band treth incwm:

• Gall trethdalwyr cyfradd sylfaenol (20%) ennill hyd at £1,000 o log yn ddi-dreth. 
• Gall trethdalwyr cyfradd uwch (40%) ennill hyd at £500 o log yn ddi-dreth.
• Nid yw trethdalwyr cyfradd ychwanegol (45%) yn cael Lwfans Cynilo Personol.  

Os nad ydych yn talu unrhyw dreth o gwbl, efallai y byddwch yn gallu ennill cymaint â £18,570 mewn llog cynilion cyn i chi dalu unrhyw dreth. Mae hyn yn cynnwys eich PSA ac unrhyw lwfansau eraill.

Ydw i'n talu treth ar fy Nghyfrif Cynilo Unigol (ISA)?  

Nac ydych; mae Cyfrifon Cynilo Unigol (ISAs) yn ddi-dreth. Mae hyn yn golygu:   

• Bod unrhyw log a enillwch ar gynilion arian parod mewn ISA yn ddi-dreth, ar yr amod eich bod yn aros o fewn y lwfans blynyddol £20,000.
• Nid ydych yn talu treth ar incwm neu enillion cyfalaf o fuddsoddiadau a gedwir mewn ISA.

Sut mae'r dreth ar gynilion yn cael ei dalu?

Os ydych yn ennill llog dros eich lwfans, byddwch fel arfer yn talu treth yn awtomatig drwy god treth. Mae CThEF yn addasu hyn yn seiliedig ar yr hyn a enillwyd gennych y flwyddyn flaenorol.

Os byddwch yn cwblhau Ffurflen Dreth Hunanasesu, rhai i chi roi gwybod am unrhyw log a enillwyd ar eich cynilion yn y ffurflen hon.

Roedd y wybodaeth yn y canllaw hwn yn gywir ar adeg ei gyhoeddi.