Skip to content
Log in

Hwb i’ch blaendal

Gyda 'Benthyca Ychwanegol' gallai aelod o'r teulu roi arian i chi tuag at eich blaendal heb gyffwrdd â'i gynilion.

Beth mae 'Benthyca Ychwanegol' yn ei olygu? 

Benthyca Ychwanegol yw pan fydd aelod o'r teulu yn benthyca mwy o arian ar ei forgais ei hun i roi arian i chi tuag at eich blaendal chi. Gelwir hyn yn benthyca ychwanegol i roi blaendal ar ffurf rhodd neu 'Hwb Blaendal'. Gall ddod gan eich taid, nain, rhiant, brawd, chwaer, plentyn, ŵyr, wyres, neu warcheidwad cyfreithiol. 


Rhoddir y blaendal fel  rhodd, sy'n golygu nad oes disgwyl i chi ad-dalu'r swm i’r aelod o'ch teulu. 


Gall aelod o'r teulu : 

  • benthyca mwy ar forgais Principality  
  • benthyg mwy ar forgais gyda benthyciwr arall 
  • cymryd morgais bach ar  eiddo y maen nhw’n berchen arno’n llwyr 

Dyma sut y gallai weithio:

Dywedwch eich bod yn bwriadu prynu’ch cartref cyntaf am £120,000. Rydych wedi cynilo £6,000 ond hoffech fod â blaendal o 10%. Mae eich rhiant wedi cytuno i fenthyca £6,000 ychwanegol ar ei forgais presennol i'ch helpu. 


Mae ganddo gynnyrch morgais Principality a balans presennol y morgais yw £150,000. Trwy roi £6,000 i chi, byddai ei fenthyciad  

morgais yn cynyddu i £156,000. Byddai’n ad-dalu'r swm ychwanegol hwnnw dros gyfnod y morgais. 


Byddai'r arian yn cael ei ryddhau i chi ei roi tuag at flaendal eich morgais. 

Two females are sat on a sofa. One female holds a mug and the other the piece of paper.

Yr hyn y mae pob ymgeisydd yn cytuno iddo

Mae'n bwysig bod pawb yn deall yr hyn y maent yn cytuno iddo. Dylech i gyd ystyried cael cyngor cyfreithiol annibynnol hefyd i sicrhau eich bod yn deall yr hyn yr ydych chi i gyd yn cytuno iddo. 

  1. Mae pawb yn cytuno bod y blaendal yn rhodd ac nid oes angen ei ad-dalu

  2. Mae pawb yn cytuno i lofnodi ffurflen yn cadarnhau bod y blaendal yn rhodd

  3. Mae pawb yn cytuno mai'r ymgeisydd yw unig berchennog yr eiddo

  4. Mae aelod y teulu yn cytuno i ad-dalu'r swm ychwanegol y mae'n ei fenthyg

Sut mae'n gweithio os ydych chi'n aelod o'r teulu sy’n helpu?

Os ydych chi eisiau helpu aelod o'ch teulu gyda'i flaendal, ond nid oes gennych ddigon o gynilion, gallwch fenthyg swm bach yn erbyn eich cartref. 

Dyma rai pethau y mae angen i chi eu gwybod. 

Os ydych chi'n helpu rhywun i brynu ei gartref cyntaf, dylech gysylltu â ni cyn iddyn nhw wneud cais ffurfiol. Efallai y byddai'n syniad da i'r ddau ohonoch ddod i apwyntiad gydag un o'n harbenigwyr morgeisi a fydd yn gallu esbonio'r holl ddewisiadau i'r ddau ohonoch cyn bwrw ymlaen â chais. 


Os ydych chi’n trefnu morgais newydd, neu'n dod atom o ddarparwr arall, mae'n syniad da i roi digon o amser i lenwi’r cais. Gorau po gyntaf y byddwch yn siarad â ni. 

Unwaith y byddwch chi a’r aelod o’ch teulu wedi pasio ein harchwiliadau morgais, byddwn yn prosesu'ch cais. Efallai y bydd angen i ni ofyn am rai dogfennau gan y ddau ohonoch. Byddwn yn rhoi gwybod i chi unwaith y bydd eich morgais yn barod i'w gwblhau. 


Bydd yr arian ar gyfer y blaendal yn cael ei ryddhau ar yr un pryd ag y bydd eich cais morgais yn cael ei dderbyn. 

Mae 2 ffordd y gallwch fenthyg mwy ar eich morgais i'w roi i aelod o'r teulu fel hwb blaendal. Gallwch: 

  • siarad â ni am eich dewisiadau ar gyfer benthyg mwy os yw'ch cytundeb yn dod i ben a'ch bod eisiau trefnu ail-forgeisio gyda ni 
  • gymryd morgais ychwanegol ar unrhyw adeg. 

Gallwch: 

  • newid i Principality pan ddaw eich cytundeb morgais presennol i ben.
  • newid i Principality cyn i'ch cytundeb ddod i ben os yw’ch morgais presennol yn caniatáu hyn a'ch bod yn hapus i dalu unrhyw ffioedd. 

Os byddwch yn ail-forgeisio gyda ni, byddwn yn siarad â chi am eich dewisiadau ar gyfer benthyg ychydig yn ychwanegol i'w roi i aelod o'r teulu fel hwb blaendal. 

Gallwch drefnu morgais newydd i ryddhau arian i'w roi fel hwb blaendal i aelod o'r teulu. 

Os ydych chi'n gwneud cais am 'Fenthyciad Ychwanegol' fel yr aelod o’r teulu sy’n helpu, gallai effeithio ar eich morgais. 

Ad-daliadau  

Mae'r benthyciad ychwanegol wedi'i ddiogelu yn erbyn eich eiddo. Os oes eisoes gennych chi forgais, bydd yn cynyddu'r swm sy’n ddyledus gennych chi, gallai hyn:

  • olygu eich bod yn talu mwy bob mis 
  • gynyddu cyfanswm y llog yr ydych chi’n ei dalu yn ôl dros amser 
  • effeithio ar gymhareb benthyciad a gwerth eich cartref a allai effeithio ar y cynhyrchion morgais sydd ar gael i chi 
Benthyciad mewn Cymhariaeth â Gwerth  

Byddai angen i’r aelod o’r teulu sydd eisiau benthyg mwy sicrhau hefyd nad yw eu balans morgais presennol a'r swm ychwanegol y maen nhw eisiau’i fenthyg yn fwy na benthyciad mewn cymhariaeth â gwerth (LTV) penodol. LTV yw'r ganran o gyfanswm gwerth eich cartref yr ydych yn ei fenthyg fel morgais. 

Dyma’r trothwyon:  

  • 90% LTV ar gyfer eiddo preswyl 
  • 75% LTV ar gyfer eiddo prynu i'w osod neu eiddo llety gwyliau 
An illustrated percentage symbol within a circle. (Welsh)

Y camau nesaf

Cymharwch ein cynhyrchion morgais neu cysylltwch â'n harbenigwyr morgeisi. 

Cymharu cynhyrchion morgeisi Cysylltu â ni

Mae’n bosibl y bydd eich cartref yn cael ei adfeddiannu os na fyddwch yn talu’r ad-daliadau ar eich morgais