Amddiffyn ein planed

*O'i gymharu â gostyngiad carbon yn 2023 o 2700 tunnell

Rydym yn ystyriol o’n heffaith ar fyd y presennol a’r dyfodol. Felly, ni fyddwn yn sefyll o’r neilltu ac yn aros i rywun arall ddatrys y broblem. Rydym ni’r math o bobl sy’n gweithio’n galed i gael effaith ystyrlon a mesuradwy lle gallwn wneud hynny, a dysgu yn y broses.  

Rydym wedi addo cyrraedd sero net erbyn 2040 (ac eithrio ein llyfr morgeisi), gan leihau carbon o leiaf 50% erbyn 2030.

Felly dyma sut rydym yn rhedeg ein busnes gydag uniondeb, gan wneud cynaliadwyedd amgylcheddol yn fwy nag ymarfer blwch ticio, ac yn chwarae ein rhan i wneud y byd yn lle gwell i fyw ynddo.

Gweithredu

Rydym yn adolygu’n barhaus yr hyn y gallwn ei wneud yn wahanol, neu’n well:  

Arbed ynni

• Mae ein swyddfa yn defnyddio goleuadau, gwres, awyru, a phŵer effeithlon o ran ynni. 
• Mae ein canghennau yn defnyddio goleuadau a synwyryddion symudiadau LED ynni isel. 
• Bydd pob cerbyd diesel yn ein fflyd yn cael ei ddisodli erbyn diwedd 2024.

Gostwng gwastraff yn sylweddol

• Rydym yn monitro ac yn lleihau’r hyn yr ydym yn ei argraffu yn ein swyddfa a’n canghennau.
• Rydym yn gweithio’n galed yn y cefndir i leihau faint o bapur rydym yn ei anfon at ein cwsmeriaid.
• Mae gwastraff na ellir ei ailgylchu yn cael ei droi’n ynni ble bynnag y bo’n bosibl.  
• Rydym yn cyfnewid cyfrifiaduron personol a gliniaduron am ddyfeisiau mwy effeithlon o ran ynni.  
• Rydym yn ailgylchu neu’n rhoi ein hen offer.   

Dysgu a rhannu

• Rydym i gyd yn cael ein hyfforddi mewn ymwybyddiaeth carbon, felly mae gwneud dewisiadau doeth o ran yr hinsawdd yn ail natur. 
• Mae ein Rhwydwaith Ystyriol o’r Blaned a redir gan gydweithwyr yn rhannu cyngor ar ffordd o fyw sy’n defnyddio llai o garbon. 
• Mae gennym dîm Effaith pwrpasol ac mae ‘Cynaliadwyedd trwy Ddylunio’ wedi’i ymwreiddio yn ein hystyriaethau busnes. 

Ffurfio partneriaethau pwrpasol

• Rydym yn gweithio gyda ClimatePartner i gasglu data, i fesur ein hôl troed carbon ac i gymryd cyfrifoldeb am ein hallyriadau.  
• Rydym yn gweithio gyda Hellios i leihau effaith amgylcheddol ein partneriaid cadwyn gyflenwi. 
• Rydym yn gweithio gyda datblygwyr cynaliadwy i ariannu datblygiad tai carbon isel yn weithredol
• Yn 2025, rydym yn prynu credydau carbon sy'n cyfateb i gael gwared ar 414 tunnell o CO₂ o'r atmosffer gan O.C.O Technology Limited.  

Sylwer nad yw Principality yn gyfrifol am gynnwys ar wefannau allanol eraill.