Dysgu sut i gynilo

Mae John yn rhoi £10 yr wythnos i’w ferch Kate pan fyddant yn mynd i'r archfarchnad i siopa am fwyd. Mae John yn gofyn i Kate ddewis pryd o fwyd yr hoffai ei gael yn ystod yr wythnos. Gyda'r £10, rhaid iddi brynu'r holl gynhwysion y bydd eu hangen arnynt. Mae hyn yn dysgu Kate sut i gyllidebu, yn ei helpu i ddeall gwerth arian, ac yn magu ei hyder ariannol. 

Mae Max eisiau prynu'r gêm Super Mario newydd pan gaiff ei ryddhau mewn tri mis. Mae’r gêm yn costio £50, ac mae ei fam Jess yn dweud wrtho am gynilo ei arian poced i'w brynu ei hun. Bob wythnos, mae Max yn cael £5 mewn arian poced am lanhau ei ystafell wely ac am olchi’r llestri. Mae Jess yn dweud wrtho, os yw’n rhoi £5 yr wythnos yn ei gadw-mi-gei, y bydd yn cynilo’r arian ar gyfer y gêm mewn 10 wythnos. Drwy gynilo'n wythnosol, mae Max yn dechrau deall y cysyniad o gynilo’n rheolaidd tuag at nod. 

Aeth Isaac â’i arian pen-blwydd i’w ganolfan siopa leol i’w wario yn ei hoff siopau. Roedd ganddo gyfanswm o £5O. Gyda’i arian, gwariodd £20 ar gêm Xbox ail law, £10 ar grys T newydd, a £5 ar lyfr. Yn y siop olaf, roedd am brynu dau degan newydd a oedd yn costio £10 yr un ond nid oedd ganddo ond digon o arian am un. Dywedodd ei fam-gu, Jean, wrtho fod angen iddo ddewis un, gan na allai fforddio'r ddau. Mae hyn yn helpu Isaac i flaenoriaethu sut i wario ei arian. 

Mae Val yn mynd â’i hwyres 6 oed, Ellie, i’r siop gyda hi i brynu’r cynhwysion sydd eu hangen arnynt i wneud cacen. Mae’r cynhwysion yn costio £4.12. Yn y ciw, mae Val yn gofyn i Ellie gyfrifo faint o newid y byddant yn ei gael os yw’n talu gyda phapur £5. Ar ôl i Val dalu, mae hi'n gofyn i Ellie gyfrif faint o newid oedd ganddi i’w gymharu â’r dderbynneb i weld a gawsant y swm cywir.