Skip to content
Mewngofnodi

Trosglwyddiadau ISA

Trosglwyddo arian i mewn i ISA Principality a diogelu ei statws di-dreth.

Trosglwyddo ISA arian parod i Principality gan ddarparwr arall, neu drosglwyddo arian rhwng ISAs Principality.

  • Nid yw trosglwyddo cynilion ISA gan ddefnyddio'r broses drosglwyddo swyddogol yn effeithio ar eich lwfans ISA.

  • Effeithir ar eich lwfans dim ond os byddwch chi'n codi'r arian ac yn ei dalu i mewn i ISA newydd eich hun.

  • Bydd codi arian o ISA i gyfrif cyfredol, cyfrif cynilo, neu fel arian parod yn golygu bod yr arian yn colli ei statws di-dreth.


Mae croeso i chi bob amser fynd i neu gysylltu â'ch cangen leol am gymorth gyda throsglwyddiadau ISA.


Trosglwyddo ISA i Principality

Gallwch drosglwyddo balans eich ISA arian parod atom o ddarparwr arall. 

Os nad ydych wedi dewis ISA Principality eto, porwch ein hystod o ISAs arian parod a dewiswch gynnyrch i'w agor. Pan fyddwch yn gwneud cais ar-lein, byddwn yn eich arwain drwy sut i drosglwyddo unrhyw falansau sydd gennych gyda darparwyr eraill.


Os ydych wedi agor ISA Principality yn barod, gallwch hefyd:

 Gallwch hefyd drosglwyddo ISA Stociau a Chyfranddaliadau i ISA arian parod a Principality:

Rhaid i ffurflenni papur gael llofnod ysgrifenedig a gellir eu gollwng i gangen, neu eu postio at y Tîm Cynilo, Cymdeithas Adeiladu Principality, Blwch Post 89, Stryd y Frenhines, Caerdydd, CF10 1UA.

Trosglwyddo rhwng ISAs Principality

 Os ydych yn trosglwyddo arian o un ISA Principality i un arall, rhaid i chi drosglwyddo'r balans llawn. Ni allwch wneud trosglwyddiad rhannol.

I drosglwyddo rhwng ISAs Principality:

Rhaid i ffurflenni papur gael llofnod ysgrifenedig a gellir eu gollwng i gangen, neu eu postio at y Tîm Cynilo, Cymdeithas Adeiladu'r Principality, Blwch Post 89, Stryd y Frenhines, Caerdydd, CF10 1UA.

Beth sy'n digwydd nesaf?

Beth sy'n digwydd ar ôl i ni gael eich ffurflen?

Unwaith y byddwn yn cael eich cais i drosglwyddo ISA:

  • Byddwn yn prosesu'r trosglwyddiad o fewn ein hamserlenni safonol.
  • Ni fyddwn yn cadarnhau ein bod wedi cael eich ffurflen, ond
  • Byddwn yn ysgrifennu atoch unwaith y bydd y trosglwyddiad wedi'i gwblhau.

    Mae hyn yn ein helpu i osgoi oedi a chwblhau eich cais cyn gynted â phosibl.

Faint o amser y mae trosglwyddiad ISA yn ei gymryd?

Mae trosglwyddiadau ISA fel arfer yn cymryd hyd at 15 diwrnod busnes ar gyfer ISA arian parod, neu hyd at 30 diwrnod calendr ar gyfer ISA stociau a chyfranddaliadau.

Gall amserlenni amrywio os oes angen rhybudd ar yr ISA sy'n cael ei drosglwyddo, neu os collir llog fel rhan o'r trosglwyddiad.

Os oes angen rhybudd, gallwch gadarnhau ar y ffurflen drosglwyddo a ydych chi'n hapus i dderbyn unrhyw golled mewn llog.

Byddwn yn ysgrifennu atoch unwaith y bydd y trosglwyddiad wedi'i gwblhau. Neu - os ydych chi'n trosglwyddo o Principality - dylai eich darparwr newydd roi'r wybodaeth ddiweddaraf i chi am y cynnydd.

Cwestiynau Cyffredin am drosglwyddo ISA

Mewn llawer o achosion gallwch drosglwyddo'r cyfan neu ran o'r hyn a dalwyd gennych i mewn i ISA mewn blynyddoedd treth blaenorol. Mae rheolau'n tueddu i fod yn fwy llym ar gyfer arian a dalwyd i mewn yn ystod y flwyddyn dreth gyfredol. Yn Principality, ein rheolau yw:


Os ydych yn trosglwyddo i mewn i ISA Principality neu oddi yno

  • Rhaid i chi drosglwyddo’r cyfanswm a dalwyd yn ystod y flwyddyn dreth gyfredol.
  • Gallwch drosglwyddo'r cyfan, neu ran o'r hyn rydych wedi'i dalu i mewn dros y blynyddoedd blaenorol.


Os ydych yn trosglwyddo rhwng dau ISA Principality ISA

  • Rhaid i chi drosglwyddo'r balans cyfan.

Mae rhai ISAs yn gofyn i chi roi rhybudd cyn y gallwch drosglwyddo arian.

Rhaid bod arian ISA ar gael i’w drosglwyddo o fewn 5 diwrnod busnes i’ch cais.

Bydd eich ffurflen drosglwyddo yn gofyn i chi gadarnhau eich bod yn hapus i fwrw ymlaen, hyd yn oed os yw hynny'n golygu colli allan ar log.

Gall cadarnhau hyn cyn cyflwyno eich cais helpu i osgoi unrhyw oedi.


Mae cofrestrif (a elwir hefyd yn rhif eich cyfrif) yn ein helpu i adnabod eich ISA. Fel arfer bydd ei angen arnoch wrth lenwi ffurflen drosglwyddo.


Gallwch ddod o hyd iddo:

Cewch, cysylltwch â'ch darparwr newydd a gofynnwch am ddefnyddio eu proses trosglwyddo ISA. Peidiwch â chodi'r arian eich hun, gan y bydd hyn yn dileu ei statws di-dreth.

Efallai y bydd eich darparwr newydd yn gofyn am y manylion canlynol:

•    Darparwr: Cymdeithas Adeiladu Principality

•    Cod didoli: 20-18-23

•    Rhif y cyfrif: 90653535

•    Cyfeirnod: Eich rhif cyfrif cynilo Principality

Unwaith y byddwn yn derbyn y cais gan eich darparwr newydd, byddwn yn anfon yr arian o fewn 15 diwrnod busnes. Mae hyn yn amodol ar unrhyw gyfnod rhybudd neu golled llog.

Os na fydd eich trosglwyddiad ISA wedi'i gwblhau o fewn yr amserlen ddisgwyliedig, gallwch gysylltu â ni drwy:



Os ydych chi'n trosglwyddo o Principality - dylai eich darparwr newydd eich diweddaru ar y cynnydd.


Porwch ein dewis o gyfrifon ISA arian parod

Edrychwch ar ein dewis o gyfrifon ISA Arian Parod i ddod o hyd i un sy'n cyd-fynd â'ch nodau cynilo.

Pori ein cyfrifon ISA arian parod