Cytundeb mewn Egwyddor ar gyfer Morgais

Pam mae'n bwysig?

Gall cael Cytundeb mewn Egwyddor ar gyfer Morgais cyn i chi ddechrau edrych ar dai eich helpu i gael eich morgais.

Beth yw Cytundeb mewn Egwyddor ar gyfer Morgais?

Cytundeb mewn Egwyddor ar gyfer Morgais yw dogfen sy'n dangos faint y gallech ei fenthyg ar gyfer morgais. Efallai y bydd gwerthwyr a benthycwyr ofyn am un i brofi y gallwch fforddio'r eiddo.

Dyma rai enwau eraill ar Gytundeb mewn Egwyddor: 

• Cytundeb mewn Egwyddor (AIP)  
• Penderfyniad "o ran egwyddor"
• Morgais mewn Egwyddor
• Addewid morgais

Pam mae angen un arnaf?

Nid yw cytundeb mewn egwyddor ar gyfer morgais yn gwarantu y byddwch yn cael eich derbyn ar gyfer morgais, ond gall eich helpu i ddeall faint y gallech ei fenthyg. Mae cael un hefyd yn helpu'r gwerthwyr a'r benthycwyr i weld eich bod yn brynwr 'o ddifrif', a gall helpu i hwyluso'r broses o wneud cais ar gyfer morgais.

Yn ogystal â hyn, bydd gwerthwyr eiddo yn deall eich cyllideb yn iawn, felly gallwch weld eiddo mewn ystod pris realistig. 

Stori Lisa a Paul

Mae Lisa a Paul yn brynwyr tro cyntaf gyda dau o blant. Mae Lisa yn ennill £25,000, ac mae Paul yn ennill £23,000. Maent wedi gweld cartref y maent yn ei hoffi am £210,000 ac yn mynd i'w weld ddydd Sadwrn.

Maent wedi siarad â Kate, un o Ymgynghorwyr Morgais Principality. Gyda chymorth Kate, maent wedi cyfrifo y gallant fenthyg hyd at £215,000, gyda'u blaendal o £15,000 ar ben hynny. Maent wedi defnyddio'r wybodaeth hon i gael Cytundeb mewn Egwyddor ar gyfer Morgais am £218,000.

Pan fyddant yn ymweld â'r eiddo, byddant yn dangos y gwerthwr eiddo Cytundeb mewn Egwyddor ar gyfer Morgais o Principality. Bydd yn dangos y byddai'r gymdeithas adeiladu yn fodlon cynnig morgais o £218,000 iddynt dros 25 mlynedd. Gallant hefyd darparu copi o'u ISA (Cyfrif Cynilo Unigol) Principality sydd â £15,000 o gynilion ynddo. Byddai'r ddwy ddogfen hyn yn dangos i'r gwerthwr eiddo y gallant symud ymlaen â phrynu'r eiddo. Mae hefyd yn golygu, pe baent yn cystadlu â chynigion eraill ar gyfer yr eiddo, eu bod yn gwybod yr uchafswm y gallant ei fforddio.

Os derbynnir eu cynnig, gallant ymweld â Kate yn Principality unwaith eto, a all symud eu morgais ymlaen yn seiliedig ar y swm y cytunwyd arno rhwng y prynwr a'r gwerthwr.