Eich cefnogi pan fydd rhywun yn marw

Rheoli cyllid gan gynnwys:

• Anfon copïau gwreiddiol neu swyddogol o'r dystysgrif farwolaeth i sefydliadau sydd ag arian y person sydd wedi marw.
• Paratoi ac anfon y dogfennau sy'n ofynnol gan y Gofrestrfa Brofiant a Chyllid a Thollau EF.

Gofyn am fanylion i reoli'r ystad:

• Gofyn am fanylion y balans a'r llog a enillwyd gan yr ymadawedig yn y flwyddyn dreth gyfredol hyd at ddyddiad y farwolaeth, a bod cyfrifon wedi'u cyfyngu fel na all unrhyw un dynnu arian heb yr awdurdod cyfreithiol cywir.
• Gofyn am fanylion unrhyw arian sy'n ddyledus i'r ystad.

Rheoli'r ystad:

• Rhannu'r ystad fel y nodir yn yr ewyllys neu yn unol â rheolau diewyllys.
•  Cyfrifo a oes treth etifeddiaeth yn ddyledus a threfnu ei thalu.
• Pan roddir Grant Profiant neu Lythyrau Gweinyddu, mae'r Cynrychiolydd Personol yn casglu arian sy'n perthyn i'r ystad gan fanciau, cymdeithasau adeiladu, cwmnïau yswiriant a chronfeydd pensiwn. 
• Talu dyledion

Rheoli treth a budd-daliadau:

Mae'n bwysig sicrhau bod treth, budd-daliadau ac Yswiriant Gwladol yr ymadawedig yn gyfredol. Efallai y bydd treth yn ddyledus, neu efallai y bydd rhywfaint o dreth yn ddyledus i'w ystad.

Os ydych yn tynnu arian neu'n cau cyfrif cynilo fel Cynrychiolydd Personol bydd angen:

• 1 math o brawf adnabod enw
• 1 math o brawf adnabod cyfeiriad

Gall y rhain fod yn ddogfennau gwreiddiol neu yn gopïau. Nid oes angen copïau ardystiedig arnom erbyn hyn.

Os ydych chi'n aelod o Principality, ni fydd angen i chi ddarparu dogfennau adnabod.

Rydym yn derbyn y dogfennau enwau canlynol:

• Pasbort cyfredol y DU wedi'i lofnodi
• Trwydded yrru lawn gyfredol y DU wedi'i llofnodi* (derbynnir hen drwyddedi math papur hefyd)
• Pasbort nad yw o’r UE a Fisa dilys°
• Cerdyn Adnabod aelod-wladwriaeth yr UE/Pasbort yr UE
• Hysbysiadau Treth Cyllid a Thollau EF (llai na 12 mis oed, nid hunan-asesiad)
• Hysbysiad o ddogfen pensiwn neu fudd-daliadau'r wladwriaeth gan yr Adran Gwaith a
• Phensiynau (DWP) yn cadarnhau'r hawl i fudd-daliadau* (llai na 12 mis yn ôl)

Rydym yn derbyn y dogfennau cyfeiriad canlynol:

Bil nwy a thrydan (llai na 3 mis yn ôl) Bil Treth yr Awdurdod Lleol (llai na 12 mis yn ôl) 

• Llythyr gan Adran y Llywodraeth am eich materion personol (llai na 12 mis yn ôl) 
• Llythyrau swyddogol gan gartrefi gofal neu nyrsio yn cadarnhau preswyliad (llai na 12 mis yn ôl)
• Datganiad morgais (llai na 12 mis yn ôl) 
• Llythyr cyfreithiwr yn cadarnhau cwblhau prynu tŷ neu gofrestru tir ynghyd â phrawf o gyfeiriad blaenorol (llai na 6 mis yn ôl) Bil dŵr (llai na 12 mis yn ôl) 
• Cytundeb tenantiaeth Awdurdod Lleol neu Gymdeithas Dai (llai na 12 mis yn ôl) 
• Cyfriflen Banc, Cymdeithas Adeiladu (cynilion) neu gerdyn credyd (llai na 3 mis yn ôl ac nid copi ar-lein wedi’i argraffu)

Pan fydd marwolaeth deiliad y cyfrif morgais wedi'i chofrestru, byddwn yn ysgrifennu at y Cynrychiolydd Personol i esbonio'r camau nesaf wrth ymdrin â'r morgais.

Bydd llog yn parhau i gronni yn erbyn unrhyw forgeisi sydd ar ôl ar yr eiddo hyd nes y caiff ei ad-dalu'n llawn.

Gallwn helpu drwy atal taliadau neu ffioedd dros dro mewn rhai amgylchiadau. Rhowch wybod i ni:

• os oes, neu os bydd, unrhyw anhawster o ran gwneud y taliadau morgais misol arferol.
• os yw'r eiddo sydd wedi’i forgeisi yn mynd i gael ei werthu.
•  os oes unrhyw aelodau o'r teulu yn bwriadu aros yn yr eiddo.
• os oes unrhyw bolisi yswiriant bywyd yn bodoli.

Beth fydd yn digwydd nesaf:

• Ar ôl i farwolaeth gael ei chofrestru, bydd yr amser y mae'n ei gymryd i brosesu cau'r cyfrif yn dibynnu ar amgylchiadau pob deiliad y morgais a sut y daliwyd y cyfrif morgais.
• Byddwn yn cadw mewn cysylltiad ac yn rhoi’r wybodaeth ddiweddaraf. Os oes angen unrhyw gymorth ychwanegol arnoch, cysylltwch â ni.

Os oes gan yr eiddo gydberchnogion: Byddwn yn ysgrifennu atoch i egluro eich camau nesaf pan fyddwn yn cael y gwaith papur gennych. Mae hyn oherwydd bod dwy ffordd wahanol o fod yn berchen ar eiddo ar y cyd; cyd-denantiaid neu denantiaid yn gyffredin.