Deall dyddiad aeddfedu morgeisi

Yr hyn y mae dyddiad aeddfedu morgais yn ei olygu

Yn syml, dyddiad aeddfedu morgais yw'r dyddiad y caiff eich morgais ei dalu'n llawn. Er enghraifft, os ydych yn cymryd morgais ar 1 Ionawr 2020 am 30 mlynedd, dyddiad aeddfedu eich morgais fyddai 1 Ionawr 2050. 
 

Noder y gall y dyddiad aeddfedu newid os ydych yn diwygio cyfnod eich morgais, neu'n rhyddhau ecwiti.  

A allwch chi newid y dyddiad aeddfedu? 

Efallai y byddwch yn gallu newid y dyddiad aeddfedu drwy ddod i gytundeb newydd gyda'ch benthyciwr.  
 

Efallai yr hoffech ymestyn eich dyddiad aeddfedu os ydych am leihau eich taliadau misol. Neu efallai y byddech yn ystyried symud dyddiad aeddfedu'r morgais ymlaen i leihau faint o log rydych yn ei dalu dros gyfnod llawn y morgais.

Beth fydd yn digwydd pan fydd eich morgais gyda Principality yn cyrraedd ei ddyddiad aeddfedu

Byddwn yn cysylltu â chi pan fydd eich morgais yn cyrraedd ei ddyddiad aeddfedu naill ai drwy neges e-bost neu drwy'r post. Gallwch gadarnhau eich dyddiad aeddfedu drwy edrych ar eich dogfennau morgais neu fewngofnodi i Eich Cyfrif. 
 

Os hoffech ymestyn eich dyddiad aeddfedu neu os hoffech dalu'r balans sy'n weddill cyn y dyddiad aeddfedu, trefnwch apwyntiad gydag ymgynghorydd a all helpu.