Eich canllaw i gael Penderfyniad o ran Egwyddor

Beth yw Penderfyniad o ran Egwyddor?

Gall cael Penderfyniad o ran Egwyddor cyn i chi ddechrau edrych ar dai eich helpu i weithredu'n gynt, ymddangos fel eich bod o ddifrif i werthwyr, a symud yn ddidrafferth drwy'r broses o wneud cais am forgais.

Penderfyniad o ran Egwyddor yw dogfen gan fenthyciwr sy'n dangos faint y gallech ei fenthyca. Nid yw'n gynnig morgais sicr, ond mae'n rhoi syniad clir o'ch cyllideb.

Gall gwerthwyr a benthycwyr ofyn am weld un i brofi eich bod mewn sefyllfa i brynu.

Dyma rai enwau eraill ar Benderfyniad o ran Egwyddor: 

• Cytundeb mewn Egwyddor 
• Morgais mewn Egwyddor
• Addewid morgais

Pam mae angen Penderfyniad o ran Egwyddor arnaf?

Gall Penderfyniad o ran Egwyddor roi hyder i chi fel prynwr a helpu eraill i'ch gymryd o ddifrif. Mae'n golygu:

• Byddwch yn gwybod faint y gallech chi ei fenthyca.
• Gall gwerthwyr eiddo argymell cartrefi yn eich ystod pris.
• Bydd gwerthwyr yn eich gweld fel prynwr ymrwymedig.
• Gallwch fod yn barod i symud yn gyflym os hoffech wneud cynnig.

Er nad yw'n gynnig morgais, mae'n gam cyntaf allweddol tuag at berchentyaeth.  

Enghraifft: Stori Lisa a Paul

Mae Lisa a Paul yn brynwyr tro cyntaf gyda dau o blant. Mae Lisa yn ennill £25,000, ac mae Paul yn ennill £23,000. Maent wedi gweld cartref y maent yn ei hoffi am £220,000 ac yn mynd i'w weld y penwythnos hwn.

Cyn mynd i weld y cartref, maent yn siarad â Kate - un o ymgynghorwyr morgais Principality. Mae Kate yn ei helpu i gyfrifo y gallant fenthyg hyd at £215,000. Maent yn cael Penderfyniad o ran Egwyddor, yn dangos faint y gallai Principality roi benthyg iddynt. Gan fod ganddynt £15,000 mewn cynilion ar gyfer eu blaendal, mae'r eiddo y maent yn mynd i'w weld yn sicr o fewn eu hystod pris.

Byddant yn dod â'r Penderfyniad o ran Egwyddor gyda nhw i weld y cartref a'i ddangos i'r gwerthwr eiddo, ynghyd â thystiolaeth o swm eu blaendal. Mae hyn yn dangos eu bod o ddifrf, ac yn barod i wneud cynnig os byddant yn hoffi'r eiddo. 

Os derbynnir eu cynnig, gallant ddychwelyd i Principality i wneud cais llawn am forgais.

Cael Penderfyniad o ran Egwyddor

Dysgwch faint y gallech ei fenthyca a chael Penderfyniad o ran Egwyddor dros y ffôn mewn tua 30 munud.