Trawsnewid swyddfeydd gwag yn hybiau masnachol ym Mae Caerdydd

Sut wnaethom ni helpu

Mae PropertyIndex, cleient hirsefydlog, yn arbenigo mewn ailddatblygu adeiladau masnachol nad ydynt yn cael eu defnyddio’n ddigonol yn fannau masnachol a chreadigol fforddiadwy.

Mae’r prosiect penodol hwn, Global Link, sydd wedi’i leoli ym Mae Caerdydd, wedi gweld trawsnewid swyddfeydd mawr gwag, sy’n ymestyn dros 28,000 troedfedd sgwâr, yn ganolbwynt busnes ffyniannus.

Yn dilyn y pryniant cychwynnol yn 2022, mae tîm rheoli cryf y cleient wedi gweithio’n ddiflino i adeiladu trosiant blynyddol trawiadol o bron i £0.5m.  Ar sail y llwyddiant hwn, mae Principality Masnachol wedi darparu £2.6m o gronfeydd buddsoddi, a fydd yn cael eu rhoi yn ôl i’r busnes i hwyluso twf portffolio pellach.

Dywed Chris Spiteri, Cyfarwyddwr PropertyIndex “Mae gennym berthynas hirsefydlog Gyda Principality, un sy’n rhoi hyder i ni yn ein gweithrediad. Rydym yn bwriadu parhau â’r berthynas hon am flynyddoedd lawer i ddod.”

Mwy am y prosiect hwn

Mae cymuned wrth wraidd llwyddiant Global Link ac mae bellach yn gartref i dros 60 o fusnesau amrywiol, sy’n gwasanaethu anghenion y gymuned fasnachol leol a thu hwnt.

Mae’r math hwn o gyllid masnachol yn cyd-fynd yn daclus ag ymrwymiad strategol Masnachol Principality i gefnogi cymunedau ffyniannus sydd wrth galon cymdeithas amrywiol a chynhwysol.

Dywedodd Chad Griffiths, Uwch-reolwr Portffolio yn Principality Masnachol “Rwyf wrth fy modd bod Principality Masnachol wedi gallu cefnogi ein cleientiaid hirdymor, PropertyIndex, gyda’u hehangiad parhaus. Mae llwyddiant y prosiect hwn yn dangos bod marchnad gref o hyd ar gyfer gofod swyddfa hyblyg, fforddiadwy i fusnesau sy’n tyfu.”