Principality yw'r benthyciwr o ddewis ar gyfer datblygwr eiddo cyfoes yn Llundain

Sut wnaethom ni helpu

Cefnogodd Principality Masnachol ein cleient hirsefydlog, Quad Projects, i brynu ac ailddatblygu tŷ o’r 1960au ar Ormond Avenue yn Hampton, Llundain.

Mae Quad Projects yn grŵp o gwmnïau preifat wedi'u lleoli yn Richmond, pob un yn ymwneud yn weithredol â phensaernïaeth, datblygu eiddo ac adeiladu.

Dywedodd Nuggy Lianos, Quad Projects “Mae Principality Masnachol wedi bod yn fenthyciwr o ddewis am flynyddoedd lawer erbyn hyn, a’r rheswm rydym yn parhau i ddychwelyd yw oherwydd bod y bobl yn bleser delio â nhw. Prosesau Principality yw’r rhai mwyaf syml a chosteffeithiol rydym wedi dod ar eu traws..”

Mwy am y prosiect hwn

Mae'r trawsnewidiad wedi creu preswylfa ar wahân gyfoes wedi'i dylunio'n dda sy'n cynnwys lolfa, ardal fwyta a chegin cynllun agored eang. Mae'r eiddo'n cynnwys campfa ar wahân mewn anecs, y gellir cael mynediad iddi drwy lwybr dan orchudd gwydr.

Mae'r llawr cyntaf yn cynnwys pedair ystafell wely, dwy ohonynt ag ystafelloedd ymolchi ensuite, yn ogystal ag ystafell ymolchi deuluol. Mae'r ail lawr wedi'i neilltuo i'r brif ystafell, ynghyd ag ystafell wisgo ac ystafell ymolchi ensuite.
 
Darparodd Principality Masnachol gyfanswm cyllid o ychydig dros £1.5 miliwn, i gefnogi prynu ac ailddatblygu’r eiddo. Cwblhawyd y datblygiad yn haf 2024.

Dywedodd Chad Griffiths, Uwch-reolwr Cysylltiadau yn Principality Masnachol:
“Mae wedi bod yn wych cefnogi cynllun arall i’n cleientiaid, Quad Projects. Mae’r prosiect hwn yn cynrychioli trawsnewidiad sylweddol o dŷ presennol i ddarparu cartref gwirioneddol drawiadol, wedi’i ddylunio gan bensaer mewn lleoliad poblogaidd. Edrychwn ymlaen at gefnogi prosiectau pellach o’r fath ledled Llundain yn y misoedd nesaf.”